مهرجان للاذاعة
ومهرجان للمهرجان
وناس بتتولد كل ساعة
وناس مش لاقية المكان
وناس بتاخد بالبتاعه
وناس فى ايدها الصولجان
والكل ماشى فى الشوارع
عمال بيلعن فى الزمان
*****
وفى حرتنا فرن بلدى
نشوفوه اكبر مهرجان
ناس تهلل ناس بتصرخ
وناس بتاخد بالحزام
والحكومة واخده بالها
والكل عايش فى الامان
فى الطابور يوقفونا
وبالعصايا ينظمونا...
المهم يأكلوناوالله نبقى فى امتنان
*****
ع البطاقة نزلونا..
انا وعيالى والمدام
كنا تسعة ادونا عشرة
فيه رغيف للجعان
*****
سألت مرة عم فهمى
عن ميعاد المهرجان
قلى يا بنى تعالى بدرى
وانت تعيش المهرجان
لما ام تسيب عيالها
وسط خوف ونار وموت
لما أب يعيش حياته
يشرب المر ف..سكوت
لما يبقى حلم ابنى
انه يكبر يلاقى قوت
لما نعيش نحلم بفرن
والفار بيهرب من البيوت
مش نبقى يا بنى فى مهرجان
والله...أكبر مهرجان
*****
ليست هناك تعليقات:
إرسال تعليق